Noregs Mållag heidra Ottar Grepstad med Målprisen 2025 «for eit livsverk med strategisk og kløktig arbeid for å styrkje nynorsk skriftkultur og institusjonsbygging».

Gjennom tre foredrag på seminaret inviterer han til kritisk nytenking om språkpolitikk. Han går djupt inn i dei vanskelege sakene som ventar i lys av 2050-vedtaket på landsmøtet i Noregs Mållag i april. Han ser på ei utsegn av Ivar Aasen som andre språkforskarar og nynorskbrukarar har vegra seg for å snakke om. I 1985 heldt han foredraget «Tretten forsøk på å kritisere målrørsla», og 40 år seinare prøver han på nytt.
På seminaret er emneknaggen hans bokverket «Silkevegar i språk og skrift». Dette kjem ut 8. september, og Grepstad har varsla at dette er den siste trykte boka han gir ut.

– Det vert ordskifte etter kvart foredrag av Grepstad, som vi vonar vil gje oss meir innsikt og handlekraft i målsakarbeidet, seier Øyvind Fenne i Romsdal Mållag.

Program
11.00 Opning ved Romsdal Mållag og musikkinnslag ved Britt Elise Skram. Svein Sæter leier møtet
11.15 Ottar Grepstad: Nye forsøk på kritikk av målrørsla
12.00 Ordskifte
12.30 Lunsj
13.15 Musikkinnslag
13.20 Ottar Grepstad: Dei vanskelege sakene
14.00 Ordskifte
14.30 Ottar Grepstad: Ivar Aasens siste setning
14.45 Oppsummering og oppfølging
15.00 Slutt

Påmelding til aukan08@gmail.com (Ingrid Kjønnøy) Påmeldingsfrist 10. oktober 2026. Deltakaravgift 250 kroner – dekker også lunsj.
Målungdom betaler ikkje noko, men hugs å melde dykk på!